Thursday 15 May 2008

Aizawla Chetchhiatna

Tunah chuan a chhungah kan awm ta lo bawka, a chhunga awm lai boruak nalh fahranlo taka ka han chheih velna lam thung aw..:)


Mi angin nula phurh tur tuihnai zet zet nei ve lo mah ila, a phurh chhuah tawk pitar nena kan chetsual hi a zahthlak lulai em a, sawi chhuah miah loh tur a ka ruat deuh ni lul mah se, ka pi hian min hauh phah em lovang tih ka hriat avangin tarlan talh ka duh a. Ka pu hi Ka pute unau zinga naupang ber ka Pu Lalzama Sailo, Zemabawka khawsa nupui a ni a. Kum 70 vel zeta upa tawh ni mah se, a la chak tha hle a. Ama tawka a la fit hle. NU lian vaklo tak, ngo lam deuh, kuhva tui ti ve tak a nih avangin a kam sen vel chu keini chuan ngaiah kan neih tawh a. Kuhva a ei loh chang pawhin tuibur tal a hmuam tho a. Fiamthu duh tak mai a ni leh zel a. Chutiang pitar chu a nih avangin a bula han tal vel pawh a nuam ngang mai.


Chaw kan eikham a, aizawl lama let leh mai ka tum lai chuan, keipawh Zarkawtah len ka duh tho a, bus vela chuan ai chuan mi phur mai ta che, a ti a. Ka huphurh rilru ang reng hle a. Mahse, han duhloh tut erawh a mawi chiah si lo. Tehreng mai, i chuan ngam phawt chuan, ka ti a. Tichuan puan te chu a han bih tha a, Hmeichhe thut hian a thu tung a. Min vuan lo deuha ka hriat chuan ka pi min vuan nghet tlat rawh aw, ka ti leh thin a. A kuhva ei tui nen a tawng duh hle mai si a, kan ti ti phei char char a. Thuampui kan tlan pel a, Bawngkawn luh dawn vel chiah hian kawng chhe tak mai, biboh tak mai hi a awm thluah mai a. Le, ka pi min vuan nghet rawh aw, ka ti leh a, a tawng tui deuh a ni pah fawm ang chu, ka thusawi chu a tithuai si lo va. Kawng biboh lai takah chuan le kan han tlan ta chu, a sawt euh mai a, ka pi chu a tla thla dap mai a. A thal nalh ang reng khawp lehnghal a. Mahse, pitar in fit tih takah a tho leh nghal mai a. Kai thoh hman pawh a ni lo va. Kan hnung chiahah hian sumo in min zui a, min en duh hle mai a. Kan zak ve bawk si a, tichuan a chuang leh thuai a, kan tlan phei leh ta mai a. Chuta tang chuan muang mangkhengin kan tlan zel a.


Bawngkawn khawlai kan thlen dawn chiah hian taxi pakhat parking atanga a rawn back phei chuan kan tlan chhet chhet lai chu min rawn su leh ta dawt mai a. Ka Bike body hma lamah hian a rawn sawh phei a, kan tlu leh ta riai riai mai a. Ka pi erawh a in fit zawk a ni bawka, min kaitho tu zawka a tang thung a. In hliam lutuk lovin kan tho veleh ta mai a. Mahse, khawpui chhung a nih tawh avangin min rawn bawr haktu erawh an awm nual hman a, ka pi lah chu a lu a thur bap tawh mai si a. A kuhva erawh a ei pah reng tho a. A hmel ka hmuh chuan ka khawngaih bawk si, ka nuih a za bawk si a. Ka pi kan va tluanglo em em ve mawle..tih pah hian ka nui char char mai a. Kal teh, i kal thuai teh ang, mi an tam hmain a tia. Tichuan, kan kal ta zel a. Damdawi in panpui ngaia kan awm loh avangin Pathian hnenah lawmthu sawi kan ba ve ve niin kan inhria.


A hnu deuh lawkah Tlawnglui lamah thianza ho picnic in kan kal leh a, Bike leh car pawh a thei theiin kan keng hlawm a. Keipawhin nula pakhat chhelo zet ka phur ve bawk a. Kal lam chu kawng a chhuk bawk a, engmah harsatna nei miah lovin tluang takin kan thleng thla ve mai a. Luiah te kan inbual a, uisa te, arsa te eiin hlim taka kan nilen hnu chuan tlai khawthim rualin aizawl lam panin kan hawng leh ta a, kawng a chho ta bawk a, thiante rualin ka tlan thei ta reng renglo mai a, ka bike clutch plate chu a lo ral tawh niin a hriat a, workshop han kal maina a awm tawh si lo. Zawi zawiin kan tlan ve dat dat a, a sa tha duh hem hem khawp mai. A hma ni lawk khan naupang hovin a khalh an zir a, kawtthler velah thiam leh thiamlova an tlan velna lamah a clutch hi an tiral a ni mai thei. Nula phurh nen chuan a hmeh ta lo hle mai a. Track leh motor dang zawng zawngin min rawn pel zel mai a. Kan tlan muang lutuk chu min rawn au tawk lah bo lo. A zahthlak duh teh a sin aw, chuta chhapah awihchho deuhah chuan ka nula phurh chu chhuk tir a ngai a, tlan kai zo tawh hek lo..a tawp a tawpah chuan zan dar 9 velah aizawl kan lut ve hram..:)


Vawikhat leh chu kan nula rim tum hi vawi 3 lai mai kan kal thlawn tawh a, a zanlinaah chuan kan zahzel ber a nuteii pawh a lo inkhawm a, an pahnihin an inkhawm a nih dawn hi kan ti a, zawh pawh zawt duh mai lovin inkhawm ban thleng kan leng phawt ang chu tiin In nghaktu a pi leh pute chu kan lo kawm vel mai mai a, a pi hi Thingtlangah chuan Ngopa khawchhuak a nih avang leh ka pi leh pute nen inthenawm chiaha awm thin an lo nih avangin hmanlai thil te min hrilh a, kan hlim phian thin a. Tin, ka pi kha a hnampui 'Chenkual' a lo nih ve avangin keini thlengin min ngaina nghal deuh mai pawh a ni mai thei. Eng eng emaw ei tur te min rawn chhawp a, kan ti ti luam lai chuan inkhawm ban a lo hun a, an rawn hawng mai ta si lo va. Ka pi khawiahnge in nula hi? tiin zak deuh chung hian kan zawt pek a. A ni lah chuan Mami chu a lo hawng tep tawh ang, mahse (.......?........) chu nizan hmasa khan an inru daih a, khawiah nge an awm pawh kan hre rih lo.. a han ti mai chu..kan thiandun chuan kan in melh a, nuih a za bawk si, thin a rim ang reng bawk si, zahzel tur mai kan hre ta si lo. Banga an thlalak tar te chu tutenge an nih tih vel te chu kan zawt ta mai mai a. Han chhuah nghal thurh lah chu a mawi chiah si lo, eng eng emaw chhuanlamin kan chhuak ta a.


Pi beri hian a fanu (kan rim duh zawk nuteii) zawk rim turah min ngai a ni mai thei. Zialo tak a ni. Tichuan, kan chhuak ta hna hna mai a. Kal kawngah chuan kan in nuih nasa dun khawp mai a. Zanin chu zan mak tak a tling dawn a nih hi kan dam chhungin,, kan ti a..:) He nula tleirawl hi kum 20 vel lek a la ni a, hmeltha ve tak ngo vingveng, model deuh roh te pawh a ni awm e. Chutianga han ngaihzawn tuma leng ngawr ngawr pawh kan ni chiah lo. A nuteii hian rawn rim ve reng reng ula, tiin ka thianpa hnenah chuan a sawi avanga han rim tum chu kan ni thin a. Tum loh zawk a nuteii erawh kan ti ti pui nasa thin khawp mai a, eng emaw zawng tak chuan kan hlawkpui phian..:) sawi chhuah atan pawha zahthlak tak a ni na a, zak lo der tawh mai ang..:)

28 comments:

  1. hahaa..ka tran eee..nula rim tum an lo ru khi :))

    ReplyDelete
  2. kei chu pi' te hi ka duh tawp! a kuhva ei sen ngei nen khan :)che chhe ve thei nih hi ka u hi!

    ReplyDelete
  3. @sekibuhchhuak, hehehe, tun thleng hian ka la zak..:) kha kher kha chu..:)

    @puii, hehehe ka pi hi a pa teh a nia, zanah ka han zawt leh, a nat leh nat loh.. a ni chuan,, ka na lo ka tih ka tih kha, nangmah kha i na zawk em? mi la rawn ti chhe mai mawle..:)

    ReplyDelete
  4. Hotupa : Bike a in inphur dan i sawi leh i Pi pi Saipari (?) khi a mizia leh hmel ka ngaihtuah a ka nuih a za tawp thei lo. Hmuh remchan hun chu chhaih tur a nih khi.

    In nula rim tum chu a va zia lo ve. Keipawh tum khat chu veng pakhat ka kal in, tunhma a ka nula rim thin kha han tlawh leh a remchang em mai ka tia, tlawh ka tum a, mahse, a thiannu te inah ka lut hmasa a, mak tih hmel deuh hian "Khawnge i kal daw?" min lo tia, kei chuan ka nula rim thin te inah a remchang bawk a leng luh ka tum thu leh ka tlawh hmasak thu ka hrilh a, ani chuan ka nula rim tum chuan pasal a neih daih tawh thu a sawi ta mai a, ka che chhe teuh khawp mai. Nang ang em chuan ka thleng thuk lo e :)

    ReplyDelete
  5. ekhai kan hotute meuh pawh in lo che chhe ve thei tho zuk lo niin! Heheh, ka va nui nasa ve. Bike khalh hrim2 chu i thiam chiang ti ro? Ka ngaihtuah ta deuh riau mai che! Keipoh hmanni campus atanga ka haw hmanhmawh lutuk hmelhriat bike ah ka bet chho ve ringot a, taxi tlanchak fahran nen kan intai a, luangmualah; kan na lo naa a nuamlo ve khop mai. Thawhpui te rawn haw chho apiang lah chu an rawn ding zel a, thianpa a rawn tlan thla boka, zahthlak ang reng khop mai.

    ReplyDelete
  6. @amuana, ka pi Saipari hi i lo hria a ni maw..hehe a pui teh mai a nia, a in fit zek lehnghal a.. kuhva a ei sen reng erawh sim tihni awm tak ang maw..:) kuhva a ei loh pawhin tuibur tal..:) i lo fiam dawn nia remchangah.. a inhnung chiaha a nau pasal Capt.Lalhluna pawh kha ka nu u hi a nia. An ni lo pawh hi an la awm nual Zemabawkah chuan.

    @DayDreamBeliever, thiam vak hran nang aw.. ka risk ve tawp mai..heheh. Kan picnic tuk khan a clutch chhia siam tha turin Khaia & Sons te show room kha ka pan a, Lammual main Gate kawt lawkah khan tlangval pakhat nula phurh hian mi rawn tai pek a, ka kut dinglam zungtang zawng a per thuak a. An ni an tlu a, kei erawh ka tlu lo va. An thiamlo zawk a, mahse an na zawk si a, han hauh chi ni si lo, kan in ngaidam tawn a..hehe. Eng emaw ti tiin workshop chu ka in hawl thleng hram.. che chhe ve thin a nia..:)

    Chu a phurtu che chu thiam tawk tak a nih a ngai ang a, hotunu meuh phur tur chuan kei chu ni ila, ka in train reng ngawt ang..:)

    ReplyDelete
  7. hotupa a va han chet chhiat theih ve aw...i pi ka star tawp...i nula phurh chu a zahawm hle mai...ha ha

    ReplyDelete
  8. Nual rim tum an lo ruk khi ka tran bon topss, tun trum i haw khan em ni? zia lo hle mai a..

    bike chu, clutch ral khawp in maw an lo khalh sak che...lolz..

    ReplyDelete
  9. @maruata, ekhai hotupa..hringnun hi chetchhiatna hian a bawm emaw tih mai tur hian chet fuh loh chang hi a tam khawp mai..hehehe. ka nula phurh pawh kha a in fit hram a, awih chho velah han chhuk zawk pawh a sam lam phian a, ziaawm khawp mai..hehehe

    @azaia, ni chiang e mawle,, march thla chhung ngei a thleng kha a ni e..:) Bike clutch chu in zir nana an hman hian rest zawnga clutch an hmeh tlum si loh hian a hek nasa a ni awm e.. picnic tuk khan ka han thlak tir tawp alawm mawle..:)

    ReplyDelete
  10. hahaha ka pu ka van nui nasa ve, ka sunday morning mood I titha hle mai ka lawm e! lol I pi khi ka duh eee, in 'tlu riai riau' lai ber mai khi ka hmu chak!

    ReplyDelete
  11. ekhai !! kan hotute min va ti nui nasa kher ve le...:)

    I pi nen bul in tan na in..nula lam in i khar loh chuan a kalh a kim lo ani ange.. :))

    Pitar leh putar te hian hringnun hi an vawng up a, nula leh tlangval te hian an ti mawi thung e an tih kha maw :)

    ReplyDelete
  12. yau ava romantic tran tawh ve!!!!
    han sawi zel teh khai....ka bengkhawng zawng tak mai ania..heti lam hi...lolz.
    chu i Pi chu i sawh na em lo`ng chu maw?

    ReplyDelete
  13. @Jerusha, hehehe, kan tlu lai posi chu rawn hmu la.. i nui nasa viauin ka ring.. keipawh ka ngaihtuah let hian ka la nui..:) a pitar zawkin min la kaitho zui a..:) nice lo khawps mai.

    @avena, ekhai hotupa, chutiang zawng pawhin ka lo ngaihtuah lem hleinem maw..Ni e, pitar atangin bul kan han tan chu a ni a.. nula pangngai te pawh phurh hun a la awm ve mahna..:) pitar phurh erawh tlukpui mai mai chi pawh an ni lo.. ka pi anga an in fit hle loh phei chuan..:)

    @awzzman, hehe nia tiraw.. thu tak khur reng pawh ni a ni lo, han nuih te pawh hi a tha ve bawk a tin ni..:)

    ReplyDelete
  14. hahahahhaa...a va han hlim om thin ve

    thx..you make my day..tun lai chu office lamah pressure nasa deuh a, ka zoi haw hnok zel a...min ti nui tu ka hmu..thx :)

    ReplyDelete
  15. Hit leh hle mai a... Mahse hotupa thil pakhat, i chetchhiat thu ngawt hi i sawi a, chet that thu ropui tak tak te kha engtikah nge mipui zingah i tlangzarh dawn aw... kan lo chi vawng vawng:))

    Btw, min ti nui leh nasa ngei mai!

    ReplyDelete
  16. @Almost Unreal, ekhai, nang berin i lo hlimpui chuan a hlawhtling thawkhatah kan ngai ngam mai ta lawng..:) Thutak reng hi a ninawm ve thin alawm tiraw..:)

    @faka, hotupa chu zawlkhawpui i ngeih hle a nih dawn hi kan lo ti hman tawh a, i reh vang vang thei hle mai. Ni e, internet a chhe bawk em a tin ni. Han tam hram hram teh khai, i tello chuan ser a mu kan thur thei lo a nih ber hi..
    Chetthatna lam chu hunin a la rawn hril ve mial mahna.. beisei zel ila..:) Nangni zawng chetchhiatna han sawi chiam tur nei lo ta ngang chu in beiseina pawh a sang thawkhat ngei ang..:)

    ReplyDelete
  17. Hotupa chu...chet fuh na lam pang..relation status;single ti kulh thin atanga status:committed..a alo inthlak chhoh tak dan chanchin ngaihnawm deuh i nei reng sia..mipui hriat ah han tlangzarh tawh la maw le...nge invitation card hmang a mipui 'surprise' i tum rilru zawk? :))

    ReplyDelete
  18. hehe hotupa (avena) thin hi aw.. hei sawi rik suh miin an hria ang e..hehe,

    Nang berin i tih hma chuan keini'n kan lo tih khalh che chu a mawi ber dawn em ni le? tih hi kan lungkham pakhat chu a ni ta ber e..:) hotupa amuana pawh a nih ve tho ka han ring ngawt a..:) Tunlai Bangalore lam biahthu a tha zel maw?hotupa..:)

    ReplyDelete
  19. Lolz! I pi chu ka star top. A bula awm a nawm hmel hle tak mai. I Azl kal chu i che chhe tluang ve hle ani mo? Fate/tute neih hunah chanchin hrilh tur i nghah hle dawn ani mai alom...hehhee

    ReplyDelete
  20. hotupa chu azl ah lah kanin hmu ta mang silova, avena thil sawi hi ka beng a verh tlat!! khonge tunah i awm, i chhuk leh tawh em ni? i thilpost hi a chhiar a nuam khop mai..kei poh hyd ah ka awmleh tawh e...

    ReplyDelete
  21. @Jinx, i tha zel maw? tawngtainaah kan lo hrereng che u a nia. Ni e, tu leh fate thawnthu hrilh tur hi a tam tawh khawp mai..hehehe..

    @azassk, chibai, i tluang zel turah ka ngai a. Aizawlah khan, ka rawn call che a, khatla ah. I u mobile niin ka hria, (A fel hle) nang chu Sialsuk lamah i phei tawh thu min hrilh a, i let leh hun tur ka zawta, a sawi thei mai si lo va, kei ka let thlak leh a ngai tawh bawk si a, kan intawklawi ta a ni ber mai. Lalpan remchang a lo ruat ang chu. Pu Zoliana pawh a lo zin chhuah lai tak a ni a. Kan in hmu ta bik lo. Hyd i lum leh ta bawk a, an ropui leh dawt dawn a nih chu..:) Hotupa avena sawi hi tak tak ni se, keipawh ka ti a sin aw..:) amah hian han ti hmasa zet se kan ti thum si a,..:)

    ReplyDelete
  22. Hmanni ah ka chhiar tawh a, ka la comment hman lo a. Ka nui nasa kher mai , ka mitthla nghal zel a, hetiang mi chetchhiatna hi chu. Hahaha... Mary mount kan kal laia kan thianpa pa in scooter a kan veng atanga mary mount kal ho mi 4 vel, tlangnuam chhoh tantirh dawn tak maia min tluk pui dual lai te pawh min ti hrechhuak rum rum mai alawm le. :-)

    ReplyDelete
  23. Joseph, hehehe, kan tet lai khan Thirsakawr khalh kan zir reng rengin upaten, khup a pilh hma chuan thiam theih a ni lo, an tih thin avangin kan khup kha tih pilh thuai thuai kan tum thin a. kan lo lian a Bike pawh tluk deuh rap rap hi a pa zawk an ti a..mahse hei erawh a na duh khawp mai..:) Nula tlukpui phei chu nice lo duh khawp lehnghal a..:)

    ReplyDelete
  24. va nuam ham ham ve aw...biang ain lock tlat alom le!

    ReplyDelete
  25. single atanga comitted status a kai chhoh dan chanchin chu kan lo beisei reng a nia :)

    ReplyDelete
  26. Hotupa..tluk te chu maw... tunlai dan a lawm..pitar ilo committed pui em lo mo? Nakina pitar tur te poh an nimahna...hahahah avena sawi hi a hahuk kai a sawi chhuah a va chakawm ve..kan zuang zawk zawk long maw? :-)

    ReplyDelete
  27. @sino, hehehe. nui ve leh phawt mai ang aw..

    @amuana, hotupa avena hian han ti hmasa zet se tih ri hi kan hriat fo avangin a ni zai hi kan ngaichang deuh chu a nih hi mawle.. bul tantu awm te hi a ngai ve a..:)

    @sawmpuia, hehehe, ka pi hi hei hotupa amuana hian a lo hre ngang mai. A hmuh hun hunah a lo fiam ang a, a nui sen ham ham ngei ang..hehehe.hotupa avena sawi rik hi chu amaha awm, min la hrilh si loh min ngaihbel rih maiah ngai ta ila..:)

    ReplyDelete
  28. This comment has been removed by the author.

    ReplyDelete