Thursday, 1 May 2008

Nghilh Ni Awmlo Zuapa

Chung Khuanu zarah mim ang lo piangin
Vangkhawpui i mawi ngei e
I ruangam leh sakhmel ten
A ngur hmel an iang chuang e.

Chutin, sial ang tuaiin runlum zuapa i lo chang,
I hrailengte hlimtea laitual kan lenlaiin,
Rihsang mual min kai san ta si,

Kan tuar thiamlo Zuapa nunnem
Mahse, Lam ang let leh hian i mawi si lo.


Aw, I hrailengten hlim zai kan rel thei ne maw
Zuapa, famchang atan zawng
Kan phal thei mawlhlo che
I rauthla tal rawn tir la

Vartian lenkawl a lo en changin nang tawnni awm si lo
Tawn mang mai maw kan chantawk
Tah khua a sei thlawn e i tello chuan
Aw, Zuapa nun nem

Lenrualten min zawt khawnge i zuapa tiin
Chhawn har kan ti, i tuanna mual
Tap chungin kan au che
Aw, khawiah tuan che maw

Tur nipui lo her chhuakin thal romei lo zam chiai e
Chhingmit thlaah i cham vawng vawng
Lo kir leh hram rawh zuapa,
I tello chuan ar ang kan vai e.

An sawi pialral nuam'an muangten chawl ta la
I runlum nuthai leh hrailengte'n
I Rolum biahthudi vawngin
Hringnun damlai chhiar ve na nge.

19 comments:

  1. "Aw, I hrailengten hlim zai kan rel thei ne maw
    Zuapa, famchang atan zawng"

    love this lines.

    Kan Pa te kha chu tu pawh ngam vek turah kan han ngai ngawt a(naupang lai) kha khan Pa angchhung nuamah cheng a thlamuan thlak zia a tar lang in ka hria.

    May His soul rest in peace.

    "malsawmna lo thleng chang te hian, i tello chuan lunglawm a kim thei lo, kan ngen che Zuapa min lo ngai la......"

    ReplyDelete
  2. Lenrualten min zawt khawnge i zuapa tiin
    Chhawn har kan ti, i tuanna mual
    Tap chungin kan au che
    Aw, khawiah tuan che maw

    Naupang tual rual, thiante nen inkawmkhawm laiin, rual u ten, an pa te thil tih theihzia te, huaisenzia te an han sawi anga, chutah chuan hawihaitakin Ka Pa tih tur nei ve ta lovin, in hawi anga. In thiante engmah la hrethiam lo ho chuan an han nuih zui leh emaw che u a nih hlauh phei chuan, tap chungin in in pan anga, Pa neih ve chak tak chungin duhthu in han sam hawng anga.........
    A sei lutuk loh nan sawi zawm tawh hrih lo teh ang. I hla hi ka hrethiam. Min dek.
    Hotupa I Pa thlarau chu chawlhahdam rawh se.

    ReplyDelete
  3. @awzzman, ekhai, min lo hlutsak a, la lawm hle mai. Pate kan lo thlamuanpui zia leh an kiangah chuan naupang chhia ang maia kan awm theih nachhan hi thil mak a tlingin ka hria. Puitling nih hi a har lo va, kumin a rawn hril mai thin a, patling nih erawh a lo har dawn khawp mai. Thanks.

    @amuana, ekhai hotupa, i rawn tuihnih mawi ngei mai. Thinlung takin ka chhiar a, rilru a khawih hle mai, tet zual lai deuha kan thian thenkhatten min han deusawh deuh chang phei chuan lunghnur taka tlan hawng vang vang mai pawh awl tak a ni fo.

    ReplyDelete
  4. My Father is a hero tih te pawh min ti hrechhuak. Phuah thra khawp mai. Pa te hi chu kan tan chuan hero mai pawh ni lo SUPERHERO tak meuh meuh an ni e.

    ReplyDelete
  5. pa te hi chu an hlu asin!! naupan lai reng in kan ngaisang mai...

    ReplyDelete
  6. @joseph leh Avena, ni e tiraw u, pa te hi chuan tu pawh mai hi an ngam vek turah kan ngai mai thin a. An thlazar hnuaiah chuan kan hawi champ ve em thin tak kha mawle..:)

    èa fiamthu duh tak tih takah ka pa hi ka chhung fuh deuh nge ni, thu tak run reng hi ka ti hleithei der lo pek a.. a chang chuan tihsual chang a awm leh zauh thin..:)

    ReplyDelete
  7. Hla han phuah mai hi awl hmel tak harsa zet si a ni. Tlar hnih atang hian kan hawihai nghal mai a. A phuah thiamte lah hian a khur an hre bik nge an thal zawih zawih bawk si a. Engtin nge maw intih bik le? Hotupa hla lamah hi chuan nil chikimin ka nil. Phuah tha hle mai.

    ReplyDelete
  8. @sawmpuia, ekhai hotupa..i dam maw? nia, hla phuah hi a raua chen ve zet te pawh a ngai a nih hmel. Keini ang thu thiam fahranlo tak phei chuan a ro theih khawp mai. Aitechhin nan ka han tial chhin a nih hi.. a thluk nena hmehbel dawn phei chuan sawi rem fe a la ngaiin ka ring..:)

    ReplyDelete
  9. Kan naupan lai a, thiante nen a inhnial khan, Keichu ka pa chu "British" a sin kha ka ti teh fo a, thiante pawh kha an dang thin kha ania. Engemaw sawi ka lo tum thin ang aw ka ti hnuhnawh

    ReplyDelete
  10. @amuana, a ni dawn teh tak e tiraw.. engkim mai ah khan 'ka pa chuan' kan ti deuh vek zel mai khan ka hre thin..

    @DayDreamBeliever, ekhai hotunu, khawi lam thlichhia in nge rawn chhem che ni, ka rawl kan lo hriat leh theih tak.. HUGS BACK.. i dam tha zel maw?

    ReplyDelete
  11. mihring kalphung rengin, kum te a lo tam ve tial tial a, Zaupa hmangaihna hi nitin mai hian ka chhui seng lo anih ber hi maw..
    Zorun(U puia) a ropui ka ti hetiang a ro tling hlathu nen i chawi hi rawn chhiar in rawn hmu ve se a chhuang ngawt che in ka ring..

    i remkhawm nalh thlawt min hneh hle mai.....

    ReplyDelete
  12. Azaia, ka lawm e.. Ni e, kum 6 chauh ka la ni a, a hlutna leh ka vanneihna kha ka la hrethiam pha lutuk lo va. a mi hmangaihna leh duatna erawh a hunlai la la kha chuan ka hrethiam a. He ti khawp hian ka ngai zual zel ang tih erawh ka ngaihtuah pha ngai reng reng lo.. midang pawh in nih ve hlawm deuh vek ka ring e.. Thanks.

    ReplyDelete
  13. Hla i va lo phuah thiam ropui ve le aw! beautiful lyrics! a thu a rilin rilru a khawih khawp mai!

    ReplyDelete
  14. Ka trah chhuak heng lam hi chu chhiar tam pawh ka duh tawh lo..

    ReplyDelete
  15. @puii, ka lawm e.. hlaphuah hi Mizo tawng keuchheh leh tawng upa hriat fe loh chuan a lo awl lo khawp mai.. a khingbai duh viau lehnghal..

    @jerusha, ni e tiraw.. ka hrethiam khawp mai che..:)

    ReplyDelete
  16. thu thiam deu nih ve hi chu ka chak thin

    ka khua a ti har kher mai..ka soi zel lo mai ang, ka hnuk a ulh don, ka khua a har

    ReplyDelete
  17. Almost Unreal, thanks.. ni e tiraw, thiam vang ni lovin, a tul vangin kan han tichhin a ni ber ang chu..mihlim thei tak ni thin hi hetiang zawnga ngaihtuah hi chuan lung a leng duh khawp mai. Kan kimlo zel dawn chu a ni phawt mai si a..

    ReplyDelete
  18. This comment has been removed by a blog administrator.

    ReplyDelete