Tuesday 14 July 2009

Hriat Atana Tha

Zofaten kan fan a ril tual tual a, kan Zoram khawvel pawh a zau ve ta viau mai. India chhung mai pawh ni tawh lovin, khawvel ram tin kiltinah kan inzarpharh chu a ni tihtih der mai a. A then chu awmhmun khuar ngheta chhungkuaa awm te an ni a, a then chu zirlaite a ni a, a then chu hnathawk te leh a then chu zinmite pawh kan ni thei e. Chutianga mi rama kan va zinin kan khua, kan ram leh khawtlanga kan chindan tam tak te chu mi rama an tih ve ngai loh thil leh mawi loa an ngaih te pawh a awm fo mai a, hetiang laka kan fihlim theih nan leh kan khawhawi tizautu a nih beiseiin a pawimawh zual chauh tak tak ka han tarlang ang a, a bik takin Western world lam hawia rilru pute tan a nih lehzual bik awm e.

1. Mi zingah Khuh leh Hahchhiau reng rengin ka hup hram hram tur a ni.

2. Thian tha leh hmelhriat sa te fa an nih loh chuan mi fa/naute pawm leh khawih ngawt loh tur a ni.

3. Mi hlawh zat leh an kum zat zawh loh a tha.

4. Mi biangbiakna reng rengah hlim hmel pu sang chunga biak hram hram tur a ni.

5. Sap ho hi an frank tlangpui a, kan thil mamawh leh duh chu inthlahrung lo leh zak hauh lo va sawi tawp tawp tur a ni. Hetianga hian Mizo tlawmngaihna nia kan chhal, duh reng pawh duh lo anga insawi tlat ang hi a chin chi lem loh.

6. Mi Inah len dawn reng rengin phone hmasak phawt a, an hman remchan hun tur zawh hmasak a tha.

7. Eng emaw tihtur neia apointment i neih chuan felfai taka hlen ngei tur a ni. Rokhawlhna avanga i hman dawn ta lo a nih chuan a hma thei ang bera hrilhhriat thin tur a ni.

8. Khawiah pawh lengin, lut ila, Zun ram thiang dawn reng rengin In neitute dil hmasak phawt tur a ni a, tin kut fai taka sil zel tur a ni.

9. Tute pawh hmelhriat sa a nih loh chuan kawngkhar hawn nghal mai loh tur. Eng atana lo kal nge, enge an mamawh tih zawh hmasak fo tur.

10. Tu pawh ni se, sap an ni emaw mihang an ni emaw mahni diknaah chuan zah tur a ni lo va, hlauh tur a ni bawk lo va, huai taka a nihna sawi bawrh bawrh tur.

11. Ram changkangah chuan thianghlimna an ngai pawimawh hle a, Zun ram thiarna(Toilet) bakah Eirawngbawlna choka te thlengin fai taka vawn tlat tur a ni.

12. Sap ho nunah hian entawn tur tam tak a awm laiin Mizote tan hnawl tur tam tak a awm ve bawk a, thliar thiam a tha hle.

13. Mi biakin an mit-ah en kalh (eye contact) chunga biak tur a ni. Lehlam hawi chunga mi biak hi in namnula ngaih a ni.

14. Mi hmazawna irh loh hram tum tur a ni a, irh palh chang a awm pawhin ngaihdam dil nghal a tha. Sap ho hian an ngai pawimawh hle mai.

15. Hmeichhia leh Hmeichhia te, Mipa leh mipa te kut invawn sak loh a tha, hei hi gay leh lesbian te tih tura ngaih a nih avangin.

16. Kutzungchal nena kawk chunga mi biak loh tur a ni. Hei hian thinrim leh hmuhsitna a kawk avangin.

17. Kum 18 la tling lo hmeichhia leh mipa reng reng Zu emaw Meizial emaw etc.. reng reng theh loh tur a ni a, an dil che a nih pawhin pek loh tur a ni. An ram danin a phal loh avangin a petu nih pawh phal loh a ni.

18. Zu nam chungin emaw Zurui chungin emaw lirthei khalh miah loh tur a ni. A case a len em avangin fimkhur hle tur a ni.

19. Hnathawhna hmun emaw zirna hmunah emaw, Biak Inah emaw reng reng Sahdah, Khaini leh Kuhva te hi hmuam miah loh tur a ni. Hei hi an ni tan chuan a tenawm em avangin fimkhur a tha.

20. Mi kan biak reng rengin mahni inring tawk tak hmel pu chunga fel faka biak hram tur a ni.

21. Midangte nena chawhlui kilin emaw, eng emaw eikhawm hona reng rengah midang zai ngai taka ei/in tur a ni a. Hmanhmawh bik lutuk te, muangchan bik lutuk loh nan midang zai ngaihchan fo a tha a. Tin, Kiu nena Dawhkan bawh deuh runa awm loh hram a mawi bawk.

22. Thil hotea ngaihah pawh " Excuse Me "(Khawngaih takin) tih leh "Thank You" (Ka Lawm E) tih hi theihnghilh loh hram bawk ang che.

23. Bus-ah emaw, Rel-ah emaw Car-ah emaw i chuang a ni thei e, i chuanpuite tana bengchheng turin tawng ring fal bik lo la, Mobile phonea mi i biak pawhin midangte tibuai lo tawka tawng tum hram hram a tha.

24. Uisa i ei a ni thei e, Sazu sa te pawh a ei a ni thei. Mahse, Mizo zawng zawngin an ei vek loh thil a nih avangin hnam dang zinga Uisa ei nih sawi lung lung hi thil tangkai leh mawi a ni lem lo tih hria la, an rilru hriatthiam pui i tum dawn nia.

25. Ram zalena (Western bik) ah nula inchei sexy tak tak i hmu thei a, i bul hnai lawkah pawh an awm thei. Mahse, an mit tikham thei khawpa melh leh en vung vung hi a mawi lo va, insum hram hram a tha ang.

21 comments:

  1. Thurawn tha tak ani e Hotupa! Zawm nge ka lo tum dawn nia :-)

    By the way, Aug thla hian in ram hnaih deuhah ka rawn kal mai thei:)

    ReplyDelete
  2. Tha hlawm khawp mai, hotupa. A tawp ber hi mipa tan chuan chhiar ngun lehzual a ngai a nih hi - :D

    ReplyDelete
  3. Pahnihna hi chu ka pawm khawp mai, Vaiho reng reng hian min dil hmasa ziah. Mizo zinga han awm hian an pawm/khawih an tum nghal hi a haw khawp mai. A sama an khawih pehi hichu haw tak ani.

    Palina, Sawmpawthumna, leh Sawmhnih pahnihna hi thil inzawm/inkungkaih vek anni.

    Parukna hi ka pawmzawng tak leh ka tih thindan ani. Mi inah an remchan leh chanloh phone atanga hre hmasa lo in ka leng ngailo.

    ReplyDelete
  4. @Seki, a ni maw, khawiah nge ni? inhmuh a chakawm hle mai. A ri ret ret ka lo hre thawi a, enge ni ta zel a? :)

    @Zaia, hotunua, nia tiraw.. mualpho palh hi hlauhawm ve tak a ni hetiang kawgah hian..:)

    @Chhangte, I han belh zauh ho hi a pawimawh khawp mai.. Thil hi kan namnul mai mai chawk a, hnam dang te hian an lo ti ve vak lo va, inzir kan ngai khawp mai.

    ReplyDelete
  5. Hriat atana tha mai ni lo-in zawm ngei chi a nih hlawm khi, tha hlawm khawp mai, Hotupa nge nge, ngaihtuahna pawh i seng e. Kei hian zawm harsa tih ka nei leh tlat thin mai pawh a..!!!

    ReplyDelete
  6. Bengvarthlak khawp mai. Hetiang hi inzir kan mamawh reng a ni.

    ReplyDelete
  7. Comment ngaihna pawh ka hre vak lo! Ka lo Zo leh viau mai thin a. Hma ka sawn thieh lohna lam tak a ni a then khi chu! Min rawn remind leh vangin ka lawm eee

    ReplyDelete
  8. A va han ropui em, hotupa nge nge. Thu tha tak an ni e, a bik takin point no. 24 khi ka thlawp tawp. Thank you hotupa, hei chu khawiahemawni la tar chhuah tur a nih hi... kan thalai zawng zawng te pawn an lo chhiar ve vek theih nan.

    ReplyDelete
  9. ava tha tak e...bengvar thlak hle mai..Ku Zorun nge nge..

    ReplyDelete
  10. No.3 khi tukin Sunday ikhawmnaah Pastor pan a sawi ve khiah chu!! Mi tumah an hlawh zat leh kum zat zawt suh u ati..!
    No.15 Khi, Pu Rusell Peter a min hre chhuak zawk mai a..!!

    U Pui-a kan lawm e, hei kei ni pawh sap ram kal rilruk reng kan ni ve a..hehe!, sap ram nundan min fangkual pui a...kan var uar mai.

    ReplyDelete
  11. Ni e, hotupa, hriat atan a tha hlawm ngawt tak mai! A hmuna kum eng emaw zah lo awmchilh tawhin hetiang thu i rawn ziah hi mi tamtakin kan tangkaipui mawlh ang!

    ReplyDelete
  12. Hotupa nge nge.. thurawn tha tak a nih hi! Mi tam thei ang berin chhiar thei se a va tha dawn em! etiquette hi hriat loh vanga lo tih ngai loh a lo awm thei a ram dang a han awm chiah phei chuan, i thil rawn ziah ho hi hriat reng tlak a ni meuh mai..tha lutuk!

    ReplyDelete
  13. 5,6 leh 7 te khi helam ah pawh hian zawm thei ila a tha ngawt ang. Zing kar buai lai tak a in leng neih phei hi chuan kan tlai phah vek zel.

    ReplyDelete
  14. 24 hi a dik lutuk. Intitheihna va vak chi ani lo.

    ReplyDelete
  15. #14 & #15 khi Tamil Nadu ah chuan a apply ve lo. Lol!

    Conservative deuh chhungkaw ina chaw i ei chuan chaw ei khamah i irh loh chuan offence deuhthaw ah an ngai an tih chu!

    ReplyDelete
  16. Thank you tih mai lo chu comment tur pawh ka hre lo.. Bengvar thlak hle mai

    ReplyDelete
  17. Hotupa nge nge a bengvarthlak leh ta mang e good post, tunlai chu chhungpuinu tur hi i be zing awm hle mai a lolzz

    ReplyDelete
  18. tha thin dup dup hle mai..hotupa

    ReplyDelete
  19. a 25 na khi ka duh ltk. Ka tih duh hmel :). Hotupa tips chu save dawn mawni le :). Thanks

    ReplyDelete
  20. Thu rawn tha tak a ni, ka copy nghal hmiah.

    ReplyDelete
  21. a thra kher mai, kan khaw chanchinbuah ka chhuah chhawng ve tawp a nia, i huat ka ring lo

    ReplyDelete