Thursday 29 January 2009

Ka Nghilh Lo'ng Che!

Maltinsawmtu chung Pathian kaihhruaina vang liau liau ka ti lo thei lo. Thangvansangah mupui lian ang mai a, thlawhtheihna chhunga ka awm lai kha chuan ka hmangaih Zoram leh a chhunga Zofate reng lo chu ka rilruah engdang a lang lo. Ka suangtuahna ram chu tluang takin nikhat chhung lekin ka thleng ang a, thenrual tha leh chhungte hmel hmuh ngawt pawh chu he lei malsawmna ropui berte zinga mi a ni si a, tia ka ngaihtuah neuh neuh lai kha chuan, tuipui ral lama ka let leh hun tur reng ka ngaihtuah pha meuh lo nia. Mahse, vengtu chung lam enkawl avang bawkin "lam ang ka lo let ang dawn nia" tiin Zoram nuam chu ka mangtha leh ta rih a ni.

Ka hawn dawn tuka kan thenawm khawvengte bakah, kan unau thenkhatte an rawn leng khawm a, min thlah tuma rawn kal tih hriat fahranin keimah ang bawkin hlim hmel an pu bik hauh lo va, kan nguai deuh bar vek niin ka hria. Chuta ka rilrua lo lang ta chu.. P.S Chawngthu-a hla "Samang then ni te zawng, lo her chhuak leh thin e, a mi leng tawnah hian, tuar dan hril thiam awm maw? tih hla chu ka rilruah a lang lian hle mai a. Tum dang ang lo tak maiin ka lung a leng ru riau mai a. Kolkata to Aizawl ticket ka lak lai vela ka hlim nen..ka ti vang vang mai a. Lung a hnur a ni ber e. Mahse, he khawvelah hian awmkhawm tel tel reng thei kan nih miau si lo. Intawhkhawm hun a lo awm ang bawkin, inthen hun pawh a la thleng ngei dawn si a. Kan hmachhawn mek inthen hun aiin he lei ram kan then hun zawka ngaihtuah phei chuan kan la vannei hle zawk ni te pawhin a lang.

Zoram ka cham lai hian ka tih tur ka tih si loh, ka tih loh tur ka tih tak sawi tur a awm nual a, tin fuihna chihrang hrang inang lo tak tak ka dawng a, thlan thiam pawh a har hle a ni. Tin, sawrkar thar a lo piang ta fam chu ram hmasawnna kawngah pawh beiseina sang tak ka nei thar ve a. Chutiang lam hawi deuh te pawh chuan ka ngaihdan leh duhdan vawi duai lo ka sawi chhuak ve a, ka thaw huai pawhin ka inhria. a hlawhtlin leh tlin loh lam erawh mawhphurtute koa a innghat a, hunin a la hril ngei bawkin ka ring.

Chetchhiatna lam erawh sawi rih lo ila, a la rei lo deuh lulai a, a la zahthlak pha tlat mai a. Tunah rih chuan Zoram leh a chhunga cheng Zofate ka chunga an thatna leh hawihhawmna te kha ka ngai a, Aw, Zoram nuam, engtik lai mahin "Ka Nghilh Lo'ng Che" tih hi ka sawi theih hmasa ber ni rih mai se.

17 comments:

  1. Hotupa, chetchhiatna sawi angai i tih hi Hyd ka thlen thlak leh hnuah ka hre ve chauh, ava zia lo tak em, i rilru tur hre pha vek lo mah ila, ka dawn thiam pui ve che in ka hria, a mam zawng a rilru put hram2 tum ang che.

    Zoram zun dangdai tak in a khuh che hi engtik emaw chuan a la kiam ngei ang.

    ReplyDelete
  2. Chet chhiatna tih lemah .... chi hrang hrang... Hotupa let leh ta chu a ngaihawm khawp mai... a lehpekah chuan kawpten an mal len e kan ti thei tawh em ang chu maw...

    ReplyDelete
  3. Welcome back hotupa! Tluang taka Zoram lama hun i han hmang thei chu a lawmawm a, i awhawm viau bawk mai. Kan ram hi ni e, khiti mai khi la ni mahse ngaih zawng a bang thei lo a nih hi tiraw!

    ReplyDelete
  4. e he...U Puia kumthar chibai le... !!
    kei pawh kum 2 zet a ni ta...in lam haw loh na...!! in lam ah ka cheh noum ta chu la..ka lunghel val behseh e...lol.

    ReplyDelete
  5. Hotupa, kumthar chibai le. Kan inhmu remchang thei ta lo chu pawi ka ti khawp mai. Kan dam anga hun tha lo inherchhuak leh tur ah ngai ila. Miropui hmuh a a kum bul han tan ka chak vei nen. Eng a pawh chu nise, i chetchhiatna te chu kan lo chang reng ania. :).

    Ni e, Kan sorkar tharah hian kalphung thar te pawh han beisei phawt ila, kan beisei ang anih loh chuan, nangni ang mithiam leh daihriat ngahte'n aw in chhuah zel hi a pawimawh khawpin ka hria. Lo dam zel ang che

    ReplyDelete
  6. Hotupa, happy new year, tun kum i post hmasa berah pawh chanchin ngaihnawm deuh i rawn ziak theia, a lawmawm hle a ni.

    Chuan "chetchhiatna" lam in sawi chu hriat a chakawm ve khawp mai, hotupa.

    ReplyDelete
  7. @azassk, Nia tiraw.. chetchhiahna te hi duhawm loh lulai lutuk te pawh hi paltlang a ngai ve bawk si a.. i han hawng chho chu i hlawkpui bawk maw? tisa leh thlarau lamah te?

    @chhawnchhek, ekhai hotupa, i zarah Zoram ka cham chhungin kawng engkimah ka hnianghnar hlein ka inhria. Ka lawm e.

    @faka, hotupa, i tha zel maw? kumthar chibai.. email lamah chanchin kimchang ka la rawn hrilh dawn che nia..

    @Awzzman, ka nau hi chu i fel thin ngawt mai. Kum 3 ngawt hawng lova i awm thei chu, a ropui lutuk tlat.. zirna leh hna vang a nih ngat phei chuan a ropui lehzual.

    @amuana, ekhai hotupa, miropui hmuh ka beisei nen, kan hun neih dan a inmil lo bawk thin em a ni. Avena te in kan len zan khan rawn tel hman la chu hotupa avena ti ti luangliamah kan nui ho dar dar tur'n..:)

    @kima, i tha maw? kristmas leh kumthar kha aizawlah i awm em? ka ngaihven deuh che a, mahse i thawm ka hre tlat lo va, phai lamah i hmang a nih ka ring ta deuh a.. Chaltlang phei chu ka leng zauh zauh thin a sin.. i tha zel maw..

    ReplyDelete
  8. E khai Hotupa, Krismas leh Kumthar hmanga Zoram lama i lo han chuanchhuah vang ani maw, i reh ka lo ti reng a.

    Ni e han hawng pawh hi kal leh dawn hi a hrehawm thei khawp mai.

    Khi thlalak pa 3-na a, bike bula ding zan mai khi a van sass ve, ENGLO ve deuh em ni ? :-)

    ReplyDelete
  9. Mihring hi chu threnna ram a cheng kan nia, kan hlim pawhin ka thren tho :-)Chetchhiatna chu saw ti lamah sawn ka post e .... Ka ngaihtuah mai mai chu kan nghaihsan leh miropui Hotupa te meuh pawh in che chhe ve tho a, nuam e..hreawm haha

    ReplyDelete
  10. Hutupa chu ziak tha leh hle mai. Thenna ramah ka cheng miau si a le. Tuan tul vang pawh ni lo, duh reng leh tum reng vang pawh ni lova, inthen a tul hun pawh a lo la thleng ngei dawn tak si a. Heta i sawi, "he lei ram kan then hun zawka ngaihtuah phei chuan kan la vannei hle zawk ni te pawhin a lang," i tih hi a dik khawp mai.

    ReplyDelete
  11. Zorun tih ngawt pawh hian la lung min len

    ReplyDelete
  12. I ziah dan sitail hrang riau te hian,"Mahten e....." min tih tir dawn fo mai a!!!

    Ngaihnawm tih hi Zorun tihna ah ka lo pawm ve tawps dawn?

    ReplyDelete
  13. I sitail te reuh hian "Mahten e...." tih a ko chhuak tlat.... Tha bawn.. tang fan fan

    ReplyDelete
  14. @sekibuhchhuak, ekhai kumthar chibai, in hmang nuam bawk ang chu maw? nia hun hlimawm tak han hman hnua chhuk thlak leh hi chu rilru a hnual ruih ruih duh khawp mai. Mahse, thil kalphung a ni rih miau si a. bike bawm hi maw chhas a ang tak khawp mai a..:)

    @puibawiha, ni e tiraw.. nung dam chunga inthen te hi chu a la nep khawp tak mai. He laia hmuh leh tawh ngai loh turte han then zet hi a hreawmin a khawharthlak lehzual ngei ang. Kan la vannei viauin ka hre thin.

    @Hringnun, ekhai rawn leng lut fo rawh aw.. Zorun hian theihtawp a chhuah zel ang..:)

    @Vaiva, chibai, mumbai lam in hmang nuam bawk maw? kumin inthlan dan vel pawh uluk taka kan review ka chak hle mai a, keima mimal hmuhdan atangin. Mahse, thil awmze nei tawh lo a ni a. Ka ti ta lem lo va. Sawrkar tharah beiseina thar i nei phawt ang.

    ReplyDelete
  15. @sawmpuia, ekhai sir, i lo leng lut a, a lawmawm e. I chhas thar neih thu te kan lo hria a, a ropui ngei mai. CHetchhiatna chu ka lo chhiar ngei ang.

    ReplyDelete
  16. Hotupa chu tluang takin i thleng thla leh tih hriatin a lawmawm e. Helei ram mi kan ni lo tih hi a chiang thin mang e tiro?

    ReplyDelete
  17. ngaihnawm khawp mai...nula sang zeih zawih kha sawi hmaih palh ava ni awm em..a lang ve reng reng lo mai a hotupa :))

    ReplyDelete