Sunday 27 July 2008

Chhingkhual Valmawi

Ka thinlai Lalpa U V-a, (Ch- 600 002)

Kan kawt sir hlim hnuaia i Bike hunna piah lawkah chuan ka lo nghak che a. Dingdihlipa beiseina nung nena ka lo thlir lai mek lai che chuan, kei lo chu eng dang reng i ngaihtuahlo tih hriat fahran hian kan in lam chu i rawn pan ding char char tih ka hre thei a. I hnai tulh tulh a, ka thinphu a rang tulh tulh a, ka zawn i rawn thleng chiah mai chu, tlangzarelthan pawh dawn lo va, han kuah vawng vawng mai che kha ka duh a, mahse ka chhia leh tha hriatna la awmchhun chhun ang te chu sawmkhawmin ka insum hram hram ta zawk a. I sakhmel thlir nin awm loh tak, i ankanem damdiai mai nena biahthu di mi han hrilh hlan mawlh chu ka lo nghakhlel a, eng dang reng ka ngaihtuah lo. Ka mitin khua a hmu tawh lo va, ka sirah tunge awm a, ka bulah enge awm? tih pawh ka hrechang tawh hek lo. Chutia inthlahlel dun taka kan han inkuah vawng vawng mai chu, kei ka tan chuan vanram dang a awm chuanglo emaw tih theih tlukin a hlim awm a, chu lo liam hun nuam leh thlakhlelhawm chu awm leh thei chuangin ka hre mawlhlo. Mahse e, ka han harh chhuak chu ka mumang mai a lo ni si. Mumang atan chuan a va pamhmai lua em tiin chu boruak kal mek chu ka man chhunzawm beiseiin ka rizai chuan ka inkhuh tha leh sauh sauh a, mahse ka suangtuahna vak vel chuan min timuhil thei ta hleklo mai a.

Chhawrthlapui eng no paw riai maiten nang leh kei atana mawina an chhuah emaw tih mai tura min han awmpui hram hram thin te kha kan inkara thuhretu chu an va ni teh lul em. I fiamthu thawh thiam luata pum na vek khawpa ka han nui tlawrh tlawrh mai te khan kei ka tan damdawi tha i va ni teh lul em. Khawiah pawh kal dun ila, mite min pawhpen i hlauh vang leh kawng ka bo i hlauh vang ni hauh si lo va, ka kut i han chelh tlat thin te khan kei teh lul mai hi min keipui sahauh tlat a ni tih reng ka lo inhre ngailo va. Mite mit hmuha felfai taka lan ka tum luata min chelhna i kut te chu hnawk ka lo ti thin hial zawk kha a ni a. Mahse nang chuan khawiah pawh, tu bulah pawh i mi hmangaihna leh duhna lantir chu i mawhphurhnaah i ngai tlat thung a, chu chu i thinlung chhungril atanga lo hnam chhuak a ni tih reng reng ka lo hrethiam pha ngailo kha mak ka inti thin. Nang erawh chuan, i mi hmangaihna thuk leh ril tak chu a nihna ang anga lan chhuahpui mai chu i duhdan a lo ni zawk si a. Ka ngaihtuah let hian ka va ngaisang che em.

In thlahlel tawn taka hun hlimawm leh nuam kan hman lai mek a, tuantul vanga kan vang khawpui i han hnuchhawn hun tur te ka ngaihtuah erawh chuan ka thinlung lairilah khan eng emaw mawlhtu awm ang maiin ka zam ru tlat mai thin a. I sakruang te chu leng dang tawna vul mai tura ka han dah fiam chhin chang ringawt pawhin ka thauah hian eng emaw mi mantu awm ang maiin ka khur chhuak lo chauh kha a ni si a. Mahse, khuanu rel, dan zawh rual loh kan chhak nitin nichhuak chuan chhun leh zan a siam ang bawkin kan inthen ni tur pawh chu zawi zawiin a rawn herchhuah pui ngei dawn a ni tih ka hai lo, hun a zawnga hun huphurhawm leh rapthlak tak mai chu a hnai ta tulh tulh a. Ka chhungten min hriatthiam pui ve loh ka hmangaihna che chu a zual tulh tulh bawk si. Theihnise, kumkhuaa inthen leh tawhlo tura mipui leh Pathian hmaa "Tiam Tlat E" tih ka duh rum rum hial reng a ni. Mahse, duhthusam renga awm thei mai kan nih rih loh zia erawh ka hria a, ka hrethiam bawk che a ni.

I liam thlak ni khan, eng dang reng ka ngaihtuah thei lo va, ka rilru ngaihtuahna chu a bing chum chum a, thlaler ramro taka awm ang hrimin ka ro tlawk tlawk hian ka inhria a, Sakhi tuihal a thaw huam huam ang maiin i zun ngaiin ka chhawl a hal huam huam ni berin ka inhria. Aw, ka va ngai tak che em. Ka rilru suangtuahna vak sualin leng dang tawna i han par vul mai tur te a han ngaihtuah chang phei chuan, hringnun hian ka tan awmzia a nei tawhin ka ring thin lo. Eng'an nang kher ka lo tawn che valmawi tia au vawn vawn mai ka nap chang lah a tam, mahse i laka ka beiseina nung awm tlat erawh ka theihtawpa chawm len ka duh tlat a, hlimtea kan intawn lehni lo herchhuak leh tur te ka ngaihtuah chang erawh chuan ka hlim a zual a, ka mittui a hul thuai thin. Rinawmna kan tiam zawng te vawng zelin, leng dang tawnah vul mai suh la. Aw, "Chhingkhual Valmawi" chutin kan vangkhuaah lam ang lo let lehin, suihlung rualin damlaini i hmang chul dun tawh ang aw..

-I thinlai Lalnu,
HP-i
TT V,
Zoram
------

Note: He lehkhathawn ziaktu HP-i hi tunge ni ang a, tunge U V-a a tih hi ni ta ang? Umm, tute pawh chu lo ni se hmeichhiate pawh hian hmangaihna hi an lo la run thiam khawp a ni tih a hriat theih e..-:)

28 comments:

  1. yau va ropui ve le..!!! ti khian ka duat-i te khan thaikawi min han hlan ve se...!!

    ka U keizawng ka luangliam der ani e....khua hmun loh D neih zawng a pawi ngei e...mahse runhmun leng dun tur chuan khua hmun loh te pawh hi a kawng pakhat chu a ni ve tho si a..(a dik em). huiham.....

    ReplyDelete
  2. A tawp dan khi ka duh thei lo... hetaing chhiar hi a nuam ka tia. Apply na tur changin ka bye hearrt ve dupzel a, a hun a lo thlen hi chuan.. ha ha ha

    ReplyDelete
  3. huizzz...va lunglen thlak ve leh..chhawrhthlapui han tih hian lung hi a kuai bik tlat thinnnn

    ReplyDelete
  4. Ngaihnawm thin kher mai...mizo tawng nalh bawk nen.A tu ber chuan nge maw hetiang letter lo thawn che aw.. :) nang chu luck thei bik e :)

    ReplyDelete
  5. Hotupa chu lehkhathawn i va dawng thlum rem rem ve a!

    ReplyDelete
  6. Hotupa chu bialnu va nei thu leh hla bik ve a :) ka luangliam khawp mai

    ReplyDelete
  7. Hotupa hahaha a chhe lo hle mai, a hla hi a mawi ka ti reuh eee..ka lung a ti leng tlat mai. Sawmpuia khi tikhian a copy ang a, Delhi lamah a thawn thla dawn chiag alawm :P

    ReplyDelete
  8. @awzzman, ka nau hi chu i fel thin e.. ralchhai chi i lo nei ve ni ngei tur a ni. Hetiang lama mi zei, Sir Sawmpuia i lo rawn thin dawn nia..:)

    @sawmpuia,
    umm, a chung bera state pincode chen-600002 tih atang khian i lo chhut dawn em ni hotupa..:)

    @vaiva,
    A tawp dan chu a lungchhiat thlak a ni tiraw..hehehe.

    @almost_unreal, kan inang anih chu, hetiang hian ka lung a tichhia..hehe

    @puii, ekhai ka nau, i fel thin hle mai. He lehkhathawn ziaktu ngei pawh hi a lawm ve ngawt ang. Kan lo hrilh ang e..:)

    @avena, hotupa, HP-i leh Chen-600002 hian in kungkaihna thuk tak an lo nei reng em ni?...:)

    @luliana, ekhai hotupa.. ka lo ti ve chiah a, a thu leh hla phian mai tiraw.. nula te te..heheh

    @jerusha, hotunu hi chu i fel thin e. He hla hi Vulmawia Buta phuah a ni a. Kum 1974 vela hla lar kha a ni tawh a.. kei pawh ka la pianglo, i la piang bik lo turah ka ngai ve tawp bawk a.. a rei ve tawh tiraw.. mahse hla tha a tlingin ka hria. Tribal Power khan an sa nawn ve leh a.. Buta hla tho "Ka nuam ve e" tih Vanlalruati te sak pawh kha ka duh thei rap, a ril thei riau.

    ReplyDelete
  9. Hotupa, hei dap dap chu le! Khawngaih thlak rualin hetiang emotions vawi khat pianman a kal tlang miah lo te pawh hi a awm ve theih a, channa ropui chu a ni lawi si. "It's better to have loved and lost than never to have loved at all" an ti a ni lawm ni?!

    ReplyDelete
  10. This comment has been removed by the author.

    ReplyDelete
  11. Lo len luh chhungin, Hotupa chu lo van "chingkhual Valmawi " ve le :-)

    Khitiang ang khi han dawng ve mai ila ;-)

    ReplyDelete
  12. @DayDreamBeliever, hotunu thin hi chu sawi dik thlap thlap thin ngawt mai. Ni e, khawvelah hian dinhmun hrang hrang te kan awm hlawm a, hmangaihna erawh hi chuan ramri a kham lo va, khawiah pawh a dinna ngaiah a ding tlat te pawh a ni ta ve ang. Hei kan lehkhathawn han dah pawh hian a sawi dik viau dawn niin ka hria. Nang erawh chuan hei aia thlum leh nalh zawk tlangval fel tak tak hnen atangin i dawng thin awm si a, ka ti deuh a..:)

    @sekibuhchhuak, ekhai thianpa, i dawng fo ang chu ka lo ti mai a sin. Nangni ang tlangval fel leh hmeltha tan chuan danah in neih tawh ngeiin ka lo ring zawk a..:)

    ReplyDelete
  13. Hei keini chu azl ah kan om vang vang mai nuam lo reuh ltk heheh. enge i ei duh kan lo ei kep ang che o.

    ReplyDelete
  14. Hei keini chu azl ah kan om vang vang mai nuam lo reuh ltk heheh. enge i ei duh kan lo ei kep ang che o.

    ReplyDelete
  15. Huis huis.. a van ngaihnawm em em.. sawpuia style hian.. ka copy hmaih e :D

    ReplyDelete
  16. @Faerie, i dam em? zawlkhawpui lamah a ni maw i lo awm daih ni? i va awhawm ve aw.. Vawksa rep leh Rawtuai te kha min lo ei kep teuh rawh aw.. i awm rei dawn em? let me know ok.. :)

    @mnowluck, ekhai welcome, thanks for your visit.. Ni e, sir sawmpui angin copy hmiah mai chi.. hehehe.

    ReplyDelete
  17. Ni e, han ti ngawt i la, i lehkhathawn dawn te hi rawn ti chhuak zeuh zeuh teh khai. Kan lo inzir fing ve zel a nia. Thlum tha dup dup hle mai.

    ReplyDelete
  18. E khai hotupa, tlawh loh hlanin thil ropui turu lutuk a lo awm leh reng tawh a ni maw!!!!

    In tih takah chuan "Tawklo chungin lo tawk dawn tawh mai se.... I tana tlinglo, Tlingi" tih te pawh i dawng hial lo maw?

    I lehkhathawn dawn ho zawng zawng chu a buin siam teh, keini te chu "Mi-ute hmangaihna chhai chhuah tumin ka “apply” a, Lengi ten min lo “reply” duh lo ngei a, Pathian lahin min “supply” a tum bawk si lo a, ka mangang tlat. Ka hman tangkai thei takin :)

    ReplyDelete
  19. @faka, ekhai hotupa, i hmel kan va hmu khat em? tunlai khawi lamah nge i tuan? Kan zawlkhawpuiah lah chuan i lar nasa mai si a.. tu emaw nu leh pa te chu an lo in ring sual ang tih erawh a phan awm hle mai.. :)

    @amuana, ekhai hotupa, nangni ang tan chhas hi a vang tih chi a ni dawn em ni? TU emaw chawikang lai te pawh mitthlaah a la cham a nia..:) Chutihlaiin zawlkhawdi tleitiri ngaih erawh a na a ni tiraw.. :)

    ReplyDelete
  20. Hotupa nge nge dawng thlum khawp mai..hetiang a thlum dawng tur chuan "just listen to your heart my friend , that will be the return to yourself
    the return to innocence" - hla ngaithla thin nih a ngaih hmel e!!

    mahse a tawpna hi iti shakepeare mah mah :)

    "Duh ai zawng ka sam thin a
    Thinlai ruk hnim riai e
    chhawrthlapui pawh van zawl ah
    mahriak ten a eng riai e"
    tih OP-a sak ngei mai kha ngaithla chung a chhiar tur tihna em ni ? :))

    ReplyDelete
  21. This comment has been removed by the author.

    ReplyDelete
  22. This comment has been removed by the author.

    ReplyDelete
  23. The United Nations Declaration on Rights of Indigenous Peoples approved on September 13 2007, chhung chhang leh UN leh ram hrang2 in a he declaration tlawhchhan a bawhzui a nih dan te (etc) update zawk a hriat kan duh hle mai.Internet atang te a material theih ang ang lo dap khawm tur a tih ka ni a, kan en kual a Indi.ppl lam chu a tam ngang mai. Mahse, he mi bik hi ka la hmu fuh thei tlat lo mai a, i puihna ka rawn dil tawp mai a ni e. Khawngaih in link i hriat ang ang te zorotan2007@gmail.com ah min rawn hrilh thei ang ngem ?
    I chhanna kan lo ngaichang in min puih theih ngei pawh kan beisei.

    ReplyDelete
  24. hetiang lehkha hi dawng ve ta ila, kan khawlo zo vek thei in ania ka in rin ni:)))

    A ziaktu hi ava khawngaihthlak em ve aw! a duhber leh hmangaih berin a mual zapui aliam san ni a, a suangtuahna vakvel tur leh a rilru in hringnun hi khawharna mai alo ni e a ti lai vel turte hotute-avena, sawmpuia te ho hi chuan an hriatthiam pui ka ring.

    ReplyDelete
  25. Misuala i topic Mizo class hi ka comment a lut thei miah lo mai.. Pu zorunpui tih dan han ngaihtuah teh khai....

    ReplyDelete
  26. @avena, ekhai hotupa, Opa hlaah chuan ka duh pawl tak a ni, chhawrthlapui pawh van zawlah mahriakten a eng riai e, a han ti hi chu ril veng veng ta a ni tiraw, Chennai tlangah pawh mahriakten a eng ve tho ang chu maw? I lehkhathawn dawn thlum theihzia report kan lo dawng a, keini dawn ve hi chu a sitawm tran rum rum mai ka ti.. :)

    @zoro, awle, hun ka neih veleh ka lo thlithlai sak dawn che nia, a nih loh chuan nangpawh pawhin google atangin i zawng thei tho bawk a. October velah ka hriat theih pawh ka inbeisei.

    @azassk, Zarbawiha Zoram hawng pawh a che tha hle tih report kan lo chhiar tawh avangin i lehkhathawn thlum theih tur zia chu kan lo hisap thiam reiruai tawh a, nakum lamah lawm huk te pawh a awm dawn ti te pawhin kan lo ringa, sawmna lehkha kan lo beisei ang e.. :)

    @Varte, thanks for your visit. MIzo Class chu han comment ve ngei la a that dawn nen aw.. a mak hle mai, contact tih ah khan han zawt chhin mai mai ta che, an lo tanpui theih che ka va ring e. I lo lenglut fo dawn nia. :)

    ReplyDelete
  27. PU hi a blog update tur hian engtin nge kan naawr chhuah ang aw??? Calliopia rawih ve mai ka duh!!!

    ReplyDelete