Tuesday 8 June 2010

Nghilhlohna Par by P.S Chawngthu (Instrumental)

Mizopa irawm chhuak hla tam tak zingah he hla hi ka ngaihhlut berte zinga mi a ni a, a hla thu leh a thluk inchawih tawnzia te, a hla thu kawhtum thatzia te hi a ril raih raih hle hian ka hre thin a. Chuvangin hetiang hian thiam tawkin a instrumental ka han buatsaih ve a ni.

He hla chanchin leh a phuahtu lam chanchin kimchang ngaihnawm zeta ziak sa chhiar duh kan awm chuan thianpa Amuana blog-a Nghilhlohna Par tihah hian kheuh hawn mai tur a ni.

Hna a lo tam ta deuh a, hun pek a har ta hle mai. Guitar khawih nan hian chawlhkar khatah darkar 1 tha awrh bak hun ka pe thei ta meuh lo. Chutiang chu a nih avangin kuthnu a phuailuai a, a chhuanawm hran loh. Mahse hei hian a hla mawina leh hlutna erawh a tihhniam ka phal hauh lo thung. Pu P.S Chawngthu'n ropuina chang se. Thangtharten a kutchhuak hla mawite kan la ngaihlu deuh deuh dawn ni pawhin a lang.

He track nalh taka min siamsaktu Wayne leh a thianpa Jesper te chungah ka lawm hle mai. Wayne hi Singapore-a awm a ni a, C.Luri album "My father Songs" tih te, "Chun Chawi Loh" tih leh Tlaitla Eng tih albuma musician kha a ni a. Tin, Nghlhlohna Par tih hla Rebecca Saimawii sak remsaktu kha a ni nghe nghe bawk. Tunah hian Music College, Singapore ah lecturer hna a thawk mek a, ni hian Bass guitar leh Keyboard tumin a thianpa Jesper hian drums a vaw thung a. Jesper hi musician ve bawk singapore mi a ni a, SAE Institute Singapore-ah Degree in Recording Arts zo a ni thung. Tichuan keiin guitar solo part hi ka perh lut ve thung chauh a ni. Ka lawm e..-:)

8 comments:

  1. He hla thluk hi a mawi ka ti. Sangmang then ni te zawng lo her chhuak leh thin a... a thu han thukzia te hi. Guitar-in i puangchhuak a, Joe satriani, Steve Vai, Jimi Hendrix te kutchhuak a mawi a ni....Kei chu ka sawi tawh ang khan guitar hi chu ka lunglen na khawp pawh ka in perh tui zolo. Ka unau te hi an thiam amin han zirtir hi an beidawng thei... Lo en mai rawh, an ti leh tawp zel, zut te chu khawilamah.. A thiamlo thiam tum hian a thiam hi kan ngaisang..Dam reng rawh :-)

    ReplyDelete
  2. Ekhai kan sawi bawrhban hma in comment ve lo zawk mai ang..hotupa!

    ReplyDelete
  3. A mawi hlarh hlarh hle mai. A thluk hi PS Chawngthu original ani ang em le? A phuah hunlai vel nen han ngaihtuah hian sap hla thluk deuh ani thei mai lo maw?

    ReplyDelete
  4. @sawmpuia, ekhai sir sawmpui, Mizo mipa tawh phawt chuan tlem a zawng chu an tithei deuh zel e, an tia lom.. i thiam ngei ngei ang..:)

    @avena, ekhai hotupa, Scorpions ho hla i zut nalh thei zia te pawh kan hai lo a nia...:)

    @daniel, Mizopa irawm chhuak ngei a ni kan tithin kha a ni a. Amah PS chawngthu hi music thiam tak, a bik takin Violin a thiam em avanga phai leh ram dang te pawh lo fang ve tawh kha a ni a. A hla phuah dang te ho pawh a thluk hi a nalh viau vek mai.

    ReplyDelete
  5. Music chu a va mawi ve.. I blog pawh ka chhiar tui thei lo.. hehe..

    ReplyDelete
  6. I Zo Run-ah ka lo lawi a, a lunglenthlak hle mai

    ReplyDelete
  7. A track chu ka va mamawh em....

    ReplyDelete