Wednesday 4 March 2009

A Rem Si Lo

A sakruang leh kimtlanga hmangaihna bet tel tlat mai te chu sawi tel pawh a tul lem lo'ng, a mit mengmawi leh biangsum inchawih tawn zia lek fang phei chu a hmel hmu thintute chuan ANGEL an ti a nih pawhin an mawh lo ve, chu chu fakna uchuak a ni hauh dawn si lo va. Chu ai mah chuan thenrual kawm thiam tak a nihna chuan lengzawngte a tihlim a, tu hriatpui si lo hian tatu nih an phu hliah hliah vek ang a, ka chanpual lo ti mai tawk te pawh an awm ta ve ang. A ankanem thlum tak mai avang te chuan hringnun timawii lo titawk te pawh an awm mai thei e, tu hriat va ni suh.

Chutianga a rualkawm thiamna leh a hmelthatna te chu chhuanpui mai a hnekin a thiante tichapo tirtu a ni hial zawk a, a bula chen a nawm tlukin a thian nih pawh insawitheihna tham hial a tling ta ve ang. A tawnah ka luangliam lo a nih pawhin ka tuiral mai ang titu pawh Mizo tlangval zingah hian an kat nukin ka ring. A ni, Pasaltha Vanapa pawh kha la dam teh reng se, he Tuaitiri tawnah hian zawng, tui ang a nem duai ve thovin ka ring.. Chu ngei mai chu Thlang sappui Lanu an lo tih mitmeng pawl ralh mai leh bahsam buang hnap mai, han en mai chuan vantirhkoh thlah emaw tih mai tura fai nalh a ni a. A han hawi zawnga a sam buang thak mai a han invawrh phingphileng siau siau mai te chu thlunglu tihaitu a va ni teh lul em.

A sakruang leh kimtlang mawina te, a lungril leh ngaihtuahna tluangtlam tak leh a thenrual kawm thiam zia pawh kan sawi tawh a, a hmelhriat nih pawh chapopuina tham hial a tlin thu kan sawi tawh bawk e. A ni, tlangval a zawnga tlangval berhchep ve tak, hmel leh pian zia-ah nise chhuan tur nei hawt lo, mongoloid thlah tih taka hnar bang sang lo ve tak leh mitmeng zim set mai tan chuan a voh bik nih chu vawikhat dam ve manah han hnar chu har tak tur a ni ngei mai. Hei lo liama lei malsawmna enge awm chuang ti hial duh pawh an awm mai thei e. Mahse ................? A Rem Si Lo ! A ni, Thlang sappui ngai bil lova kan lenna Zotlang mawitu runlum nuthai atan chuan Zolanu ngat le...

37 comments:

  1. A va han ropui em. Hotupa rilru ang hi pu vek thei ngei ila. Kei zawng ka thlang mizo lanu/val ngei ti ila aw. In chimral te hi a hlauhawm lo ngei ang. Hotupa lungleng hnemtu kha han tawng ngei se..lunglawm a kim tur

    ReplyDelete
  2. Ekhai hotupa.. a chang chuan bengsika ngaihtuah a ngai fo reng a ni. Hun lo kal zel tur thlir tel hi a ngai thin si a.. kan hotupa Avena te hi ni ta zawk ila chu kan hawn ve mai awm ma nge ka ti rum rum a.. :)

    ReplyDelete
  3. A key hi a dang ruih zel mai a :)

    ReplyDelete
  4. Uluk fahranin ka chhiar chhuak dap!! A ngaihnawm, hotupa, ngaihzawng hmu zo hlei lo pawh kan ter ve at chu le!!lolzz...

    ReplyDelete
  5. This comment has been removed by a blog administrator.

    ReplyDelete
  6. @lalengzuala, ekhai valpui tha maw? Tuana tlang theuhah Zolanu ngei kan ti a niang chu tiraw..hehe

    @luliana, ekhai hotupa, nangni ang luck bawk si fel bawk si tan chuan Asamese chhas ho an phiruai thin ngei ang a, mahse in lo sihhnip bik em lawng chu maw..:)

    ReplyDelete
  7. This comment has been removed by a blog administrator.

    ReplyDelete
  8. This comment has been removed by a blog administrator.

    ReplyDelete
  9. This comment has been removed by a blog administrator.

    ReplyDelete
  10. khai a..hotupa, ka net connection a chiangkuang lo ltk..ka lo post nawn thut thut mai..min lo thenfai sak mai..tun a mi tiam hian..zialo hle mai :(

    ReplyDelete
  11. @Puia, ka dam e. A comment lamah tal hian kan kur ve nguai teh ang ka ti rilru deuh a, chu pawh chu ka la thiam ve ta chuang law.

    Zohnahthlak lanu aia kan tana special hi an lo awm chuang love.

    ReplyDelete
  12. @luliana, hotupa hetiang chang hi a awm ve thin a lawm.. pawi reng reng lo.. kei leh ka sangawizawnpui i thiante hian kan hrethiam tlang hlawm mawlh ang che..:)

    @lalengzuala, ni e tiraw, thlemna hi chihrang hrang a awm ve thin a, rilru fim put te pawh hi a har fo thin reng a. Mahse, kan ram riangte khi hnam dang kan neihsan mai zawngin a riang lua dawn em a sin..:)

    ReplyDelete
  13. hahaha hotupa hei chu a va ngaihnawm em!!! Bem thlu zo lo a ni maw, kha lam lanu chu :D akekeke.

    Tak takin, ni e, zolanu ngei keini zo tlangval tan chuan an dik ber. Zolanu, leh Mumbai a hnathawk mek Punjabi nula sang tha ver vur pian nalh leh ngo fai thianghlim, chhungkua changkang deuh atanga rawn chhuak. Heng te hi kan zo tlangval tan chuan an tha ber! :D

    ReplyDelete
  14. @illusionaire, hotupa... nang hi Punjabi chhas te kha i lo hawn nulh ang e aw.. an chhe lo thei ropui bawk sia..hehe

    Thil mak ve tak chu heng sap chhas serious tak tak chi hi chuan Asian tlangval hi an hmangaih ve tlat chawk a sin.. kan rilru hi hetiang lamah a nghet deuh ni te pawhin an hria a nia nge.. Mahse... hi a awm tlat a..:) fai chu an fai tah verfawr thei khawp mai. Kuhva leh sadah hmuam ve lo ta fam chu an no chek mai mawle..:)

    ReplyDelete
  15. Patlinga pumpa pawn ngaihnawm ti deuh a kan chhiar tâk chu le. Nia, mahni Hnmapui ngei neih hi a tha - A hnu leha khawtlânga len loh mai hi a hlauhawm thin. Mahni tawng ngeia biathu han hlan theihna ngat hi a tha in a hlu bik tlat :)

    ReplyDelete
  16. A tha thak thak hle mai. Mahse tlangvala pumpa hmel tha leh sexy hai bik lo tan chuan thil harsa tak pawh a ni ang, sap ngaisang tak hnam kan lo ni vei nen. Mahse runlumpui atan chuan zo lanu ngat le han tih chu a pasaltha tawngkam ruih mai a lawm.

    ReplyDelete
  17. @chhangte_ll, a ni ngawt mai tiraw, mizo tawng ngeia "ka hmangaih che a sin" han tih thawp sat mai hi chu a ngaihthat thlak bik riau dawn tak mai tiraw.. Mama nu i dam em? han tih te pawh, chutiang zelin..:)

    @Puibawiha, hehe ni e tiraw, rual pawl chi tak nih phei chuan thil awl lo pawl tak niin ka hria. TLeirawl lai ang kha a lo ni tawh si lo va, ngaihtuahna hi a kalthui thin khawp ta mai. Kan upa ve ta deuh te pawh a ni mahna..

    ReplyDelete
  18. hla pakhat hman deuh a lar ve thin Langsangluaia Renthlei sak 'Zohnahthlak Lanu' tih kha min ti hrechhuak. Mak ve deuh chu Mizo mipa te hian Zohnahthlak Lanu kan thlan zia hi hla nen kan chawia, Kan hmeichhe ho hian min chawi ve vak lo in ka hria.Daduhi sak 'Kei zawng ka thlang Mizo val ngei' tih hla pawh kha C.Durthanga phuah a ni em kha? Zawlbuk lama ka farnu rindiki chiah hi a chiang in ka hria:))

    ReplyDelete
  19. mahni hnam pui ngei nei tur in i hmu tawh tih hriat hian thla a lo muang ve em em ringawt a hotupa...ni e chaw ei duh zawng in ang leh enga? han tih pui theih chu atha ber ang chu

    ReplyDelete
  20. Sialton Official te pawh min hriatchhuah tir e. Duhthusam chuan Zolanu ngei nise, an awm nganglo a nih chuan a dang pawh in phal sak ta mai ila :-) Mahse hetiang mi te hi chu special category ah dah ta ila tha ang. Kan thinlung dek tawk Zolanu ngei chu duhthusam a lawm.. Hotupa engtik nge parachute kan kaihparh ang?

    ReplyDelete
  21. A mipa lamin "Zo Lanu ngei" in tih hian keini a LANU tan a ngaihthatthlak a, "Kei zawng ka thlang MIZO val ngei" kan lo ti nawn ve awn awn thin zu nia.

    Ziak ngaihnawm khawp mai.

    ReplyDelete
  22. @azassk, ekhai zarbawih, a ni ngawt a sin mipa te hi kan rilru a fir deuh zawk em ni chu aw a tih theih. Mahse, puitling kawngah erawh kan nula te kan tlak lo ta deuh em ni aw a tih theih thung a. Heng avang hian hnam dang tawnah khiang min awhsan thin em ni chu aw, ka ti thin.

    @avena, hotupa, ni e tiraw, hmuh tawhah han in ngai ve ngawt mai ila, chung lam rorelnaah dah ila a tha rih mai awm e. Nangin " Tiam Tlat E" han ti zet la, keinin kan rawn zui mai ang che chu..:)

    @sawmpuia, hotupa, hei kan hotupa avena te hian an kaih pharh hmasa zet se keinin kan zui ve ang chu, kan tihkhalh a rem si lo va..heheh

    @varte, nangni anga nula ngaihtuah thui tak hi kan Zolanute hi ni vek se aw,, ka ti vawng vawng thin. Thanks.

    ReplyDelete
  23. E khai hotupa, Zoram hmangaihtu mitah chuan Zo lanu hi an mawi ber kumkhua a lawm tiraw! Bike bula ding te pawh kha rilruah an lo lang uai uai mai:)) A ngaihnawm e!

    ReplyDelete
  24. @faka, hotupa kan hotupa avena min fuihna ka vawng reng tur pakhat nia ka hriat zinga mi chu "hnam dang nupui neih chuan Zoramah kan tlatlum ngai lovang" tih hi a ni a. A ni thusawi thiam leh zei takina hetiang thufing ropui tak hi a lo utawk turvawn reng a lawm le..:)

    ReplyDelete
  25. Hotupa, thlalak ami khi a van ve a :-)
    I sawi pawmpuina lam a tam tawh bawk a, ti zawng hian kan tuihnih ve chhin :)

    Ni e, Mahni hnampui ngei neih hi chu athat ber a rinawm a. Chhan hrang hrang tam tak avangin.

    Nimahsela, Mahni hnampui ngei nei thei mang lo dinhmunah pawh hian a dinve theih viau tho dawn ni te hian a lang. Mipa tan hi chuan,a la awlsam deuh mai thei a. Kan culture-ah hmeichhiain Mipa a zui zawk deuh zel avangin.

    Kan hmeichhia te, ramdanga hun rei tak awm tawh te phei hi chu kei ka hrethiam khawp mai.

    A pawng ataka hnamdang / sap ngaihsan vangte a, aw nghal duam erawh chu ka sawimawi hran lo.

    ReplyDelete
  26. @seki, ni e, thil hi a hmun leh a hun a zira inherrem thiam chu thil pawimawh tak a ni. Tin, dinhmunin a zir thlawt loh avanga loh theih loh a, hnam dang khiangawihpui pawh thil awm thei a ni. Mizo nula/tlangval an rem ngang lo a nih pawhin kan sakhua (Kristian) pui ngei erawh ni thei hram se la, duhthusamah erawh Mizo ngei an nih a tha ber. Khuareiah hnamdang nupui pasal neih hi inchhir a na duh an ti em mai.

    Tin, Zorama awm dawn ngat phei chuan society ah kan mikhual duh viau mai thei. Thawnthua Vahmin dinhmun kha ka hrechhuak, a mi leh sa te kianga awm loh ai chuan a mei bul hmawk khawp khan a tlan chhuak nal nal ngam a..

    ReplyDelete
  27. Ka tan leh pek! Ka hman veleh ka rawn tuihnih ang rem i tih chuan! Buai rih tlat

    ReplyDelete
  28. @vaiva, ekhai rawn luangliam ve bawrh bawrh rawh khai, kan rilrua awm hi bun chhuah te pawh hi a ngai ve thin a nia.. keipawh hei ka han inti mualpho ta der mai..heheh

    @DayDreamBeliever, lal hotunu, Mizo val ngei in ti ve thei ang chu tiraw..:)

    ReplyDelete
  29. ngaihnawm lutuk tlat..Rilru lamah kan tlanchhe dawn dawn thin mek laiin, hetiang thu ziak avang hian kan Mizo thar leh thin. Mizo mipa hi chuan, hnam tan mawhphurna kan nei bik niin kan inhre deuh zawk. Hmeichhe lam hian an mawhphurna han hrechiang se tih hi he article atangin a lang chiang hle. Thianpa U r the best.!

    ReplyDelete
  30. U Pui a va pamhmai ve le..rem tir mai ila?

    ReplyDelete
  31. @hruaia, ekhai thianpa, ka lawm hle mai. Hetianga inrawtphurna atang hian chakna (energy) kan chhar phah fo thin. Engkim mai hi kan rilru hian a thunun chu a ni si a. Thanks.

    @Awzzman, ka nau thin hi chu aw..hehehe, a pamhmai khawp tak mai tiraw.. nangni rual vel han nih that leh te pawh a chakawm rum rum dawn alawm le..lolzz

    ReplyDelete
  32. Hotupa, hmangaih hmangaih ...awm hmangaihna...kan dam tlang e..mak teh duah mahse awmze ril zawk chu i hre thiam mai ang chu maw!

    ReplyDelete
  33. A va han tha kher em....ka luangliam tawp...

    ReplyDelete
  34. Kei zawng ka thlang Mizo val ngei tih kan sak awr awr laiin Mizo tlangval tam takin sirah min hnawlin Sap nula an han nei ngah hi chuh :)

    ReplyDelete
  35. @vana, hotupa, a ni teh tak e tiraw.. Hmangaihna hi chu a mi deh dan a dang zar mai a nih ber hi..

    @Lalrin, thanks.

    @Amanda, hotunu, chuti em ni le? Mipa te hi chuan ka nei vak mang lo emaw ka lo ti thin a sin.. Engpawhnise, i hla sak chu lo sa chhunzawm zel teh aw..:)

    ReplyDelete