Friday 8 February 2008

Ka Chetchhiatna Bawk

Chetthatna sawi tur nei meuhlo tan chuan chetchhiatna bawkin chhunzawm leh mai ang aw..a ngaihna a awm hlawl lo a nih hi..:)

Kum 2000 kha ni tain ka hria, Pune-ah Thal Favang Kut kan hmang dawn a, Zoram lama zaithiam pawh kan sawm ve a, amaherawhchu an rawn tel thei ta lo hlauh mai a. Kan president thianpa Dina lah chuan an rawn tel theih loh ro ro chuan Rock Concert i siam tel tho ang u, a ti ta deuh tlat mai si a. Keini Biak In vela mi zai rem sak leh mipui zai rem ve sawih sawih thin tan chuan Rock music han khawih chu a huphurh awm hle mai a. Mahse, midang han pur mai tur an awm hlawl si lo va. Music Incharge ah min dah hmiah mai bawk si a. Tichuan, theih ang ang chuan hla chu kan han zir ve ngial a. Instrument nei tumah kan awm lo va, mi ta kan hawh chawp vel mai mai a ni a, amaherawhchu, kan chungah an tha hlawm viau mai a, kan duh duh hunah kan hawh sak mai a, keyboard te, guitar te, Drums te chu phal takin kan hmang hlawm thin a. Kan tluang ang reng viau. Tichuan a ni chu a lo thleng ta a, Fakna hla leh Lenglawng hlaten bul kan han tan a, kan la tluang viau a, kan zaithiamte hi Lalliansangi (LSi) te, Flora-i te, Michael M. Sailo te Ruata Pautu te bakah zaithiam thenkhat an awm nual bawk a. Zan boruak a rawn thleng a, Open Air lama chhun zawm turin kan inbuatsaih ta a, kan rock tak tak tawh ang chu tia kan phur teh lul nen, kan zai hma lawk mai hian kan Guitar leh effect neitu Bangladesh pa hian urgent em em mai hian a rawn mamawh thut mai a. Phal loh rual a ni si lo. Kan hawihai ta hle mai a. Kan guitar pakhat zawk chauh tal chuan tiin a hang chuan kan zai ta hram a, ZoRocka hla Jesse Rock & Roll tih hla tak mai kha Michael M.sailo hian sak a duh ta tlat mai a. Effect ber kan nei ta si lo. Guitar solo hi chu tello mai ang aw, ka tih lahin a duh bawk si lo va, a han zai a, solo part ah chuan, 'Zut rawh le, zut ta che, a rawn ti ta mawlh mawlh mai a. A hangin ka han zut ta tlawng tlawng mai a. Ka zah dan chu zak tak ka ni ringawt. A hnuah kan thianpa min duhsaktu deuh mai hian Thianpa, Zut lo la chu i hming tha zawk ang mawle..mi rawn ti a, khaw hawi a zim duh teh a sin aw, ka dam chhunga ka theihngilh tawhloh tur te zinga mi a ni ngei ang.

Vawikhat leh chu, Pune kan awm lai bawkin kan thianpa Martin-a Bike tereuh te(Safari)hi kan hawh sak a, Pune College ah mi pakhat rawn thleng thar hi admission kan tih pui a, kan hawng lam chu kawng zim tak pumpelh kawngah kan kal ve khanglang a, Martina Bike hi a break a tha lo va, hmanhmawh taka ding tur phei chuan bang sut deuh chawrh a lo ngai hi a lo ni a. Kawngah lah chuan ke a kal an tam ropui mai si a, zawi te te hian kan kal chhet chhet a. Mahse, kan lo tlan chak deuh tho a ni ang chu, ka han break dawn a, a ding ta lawk si lo va, kan hmaa ke a kal Vainu pakhat kum 45 vel awm hi a mawngah ka nawr ta pek a lom, ka han break a, a ding zeuh a, a kal leh zeuh a, a ding leh zeuh a, a kal leh zeuh thin a, a mawng chu kan su deuh zawt zawt mai a, a position phei chu nalh fahran lo tak a ni. Eu takin a kal sawt deuh zawt zawt a ni ber ang chu. A hnuah a thin hi a rim lutuk a, Marathi tawng hian a ang zuah zuah a, ka hmaiah chuan mi rawn beng zawt mai a. Keini lah nuih za lutuk chu insum thei hek lo, a ni lah chuan kan tihluihah a ngai a ni chek ang chu, kan han nui te chu a thin hi a rim em em mai a. Mipui ho lah chuan min en thap mai si a, a hnuah chuan a zahthlak tiah tiah khawp mai.

Bike bawk: Pune kan awmlai kha chuan Sunday inkhawm kan bang hi thianzahoa chawei khawm hi kan ching hle a. Sa lei sa kan lo nei ngai si lo va. Vawikhat chu kan inkhawm bang hi Kan in sawi phur a, nula thenkhat kan sawm tel ve bawk a. Kan thianpa Dina(Kingkonga) hian a leina ka lo tum ang a, kei chuan ka lei peih lo, ka Bike ka thawh bawk ang, a ti a. A ni hi zirlai kan nih lai atang tawha IKEA Company a han tha tak thawk tawh a ni a, a kamding fu mai a. Tichuan, kei leh ka thianpa Rammuana chu Bawngsa lei tur chuan kan tlan ta vang vang mai a. Minutes 40 tlan zeta thui a ni a. Hmanhmawh em emin Bawngsa chu kan han lei a. In lamah lah chuan kan sa lei nghakin nula leh tlangval ho an thu thup tawh tih kan hria a. Kan hawng lam kawng laklawh em em maiah hian Trafic Light chu a sen ta thut mai si a, a hrin hun kan nghah laiin kan Bike chu a thi ta thut mai a. Red a zo va, Green a rawn lang a, ka han kick thin a, ka kick nung thei ta si lo, a hmasa bera ding ta chuan kan hnunga Bus leh Motor zawng zawng kan dang bet vek mai si a. Ka thianpa Rammuana chuan, a zahthlak em mai a, khi horn a ri nasa a nia. Miin min en thup lehnghal. Han ti vat vat teh. A han ti a, kei lah chu thlan sa phul kaiin kan kick a, mahse a nung zo ta ngang si lo va. Kawng sir lamah chuan kan in nawr ta a. In thleng rak mai hi ke nen kan nawr pek alom le. Vanduai thlak tak maiin ek kan la rap pherh zui a, hmanhmawh teh lul nen, kan ke kan thing phawrh phawrh a, kan kal lui zel ta tho a. Darkar khat pawh reilo tur kha Darkar 3 hnuah in kan thleng chauh mai chu.. Thiante hmel hmuh a nuam fahran lo khawp mai. In kan thleng a, engmah pawh sawi lovin, Bath room lamah kan ke uih zet chu kan sil fai hmasa te te a la ngai zui a. Bike chinchang hriat loh khalh ngawt chu ka sim ta ngei mai...:)

21 comments:

  1. hotupa nge nge ..kan nui baw hawk hawk mai alawm maw le...

    rammuana i rawn tih tak hi, amuana ti a kan koh ve nen an chet chhiat thin dan a in an duh hmel riau in ka hre mai heheh

    ReplyDelete
  2. hotupa, zahthlak leh lutuk te pawh a awm nual a, a thing bawk sia, ka tarlang duh rih lo mai mai a nih hi aw..hehehe. che chhe ve thei teh a sin..

    Rammuana tih hi an hmeltha duh khawp mai. Hei hotupa avena pawh hi a faivung mai a. Nula thenkhat tan chuan angel hem thlak ang' an ti ngeiin a rinawm..:) a che fuh thei hmel riau lehnghal a..:)

    ReplyDelete
  3. Capital in ka nui nghek mai...a hanga zut tak kha a tha ka ti bawn :) I lar phah viau ang a in concert ah chuan.. 'kha a hang ngeia zut kha' an ti ang a.hehehe..traffic awmna laia bike nung leh thei lo i sawi ang khan ka pa hi a awm ve tawh a ni awm e..hehe

    ReplyDelete
  4. hehe, puii..(ka hmingpui nula fel tak) ..:)

    thlan sa phul kaia kick nung thei si lo vela, tlawmngai laklawh si vela awm hi a tawpah zawi hnawk a awl teh a sin.. pheikhawk te hi a khem nung thei nia mawle..:)

    A hanga han zut tlawng tlawng mai chu,, a ngan duh khawp mai.. ka dam chhunga ka hriatreng turte an ni hlawm ngei ang..:)

    ReplyDelete
  5. hahah...ni duh viau maithei ni kick chungchang i ron sawi kha...a hnu ah hian chau chhe vek si anga..a situation hrim2 kha nuihzatthlak top..k nui leh vak2 mai..

    ReplyDelete
  6. hehe, nuih hi hriselna an tia lom i hrisel hle dawn anih chu puii..:)

    ReplyDelete
  7. I hmingpui Puii pawh hian an concert naah chetchhiatna sawi tur anei ve em aw?:)

    Music lamah pawh sulhnu i lo nei tho ani maw?

    ReplyDelete
  8. @zarbawiha,
    ekhai, puii hian han sawi duh se chu nui sung chunga lo ngaithlatu kan nih loh vek pawhin a zarah hriselna chikhat chu kan neih phah ngei ang mawle..:)

    kha hotunu Azuali a rawn thleng thla leh ta bawk a, in nui dun leh tiah tiah mai ang chu ka lo ti deuh a..:) a ni hi a bula awm a nuam thin a nia.. hringnun hi a ti par vul thiam thin a..:)

    ReplyDelete
  9. Puia chu lung i va ti leng ve aw, Martina bike lampang bawk: vawi khat pawh zan lam ah internet ah email check tur in kan kal a, engine a thi tlat mai a, a hma lam zawng in kan nawr thei lo va, a hnung zawng chauh in zu nawr thei a.
    Chuan, Thalfavang kut nge sports house lawmna zawk pawh ka hre chiah toh lo, Michael sailo, kei leh Martina a safari(moped 50cc) vel a ni ang, ah chuan kan patum in kan triple a, traffic light thleng dawn in, police in min man kan hlau bawk si a, michaela nen traffic point ah kan tlan char char :-)
    Batman leh thil dang chu suai hrih lo mai ang ;-)

    ReplyDelete
  10. yahoo..chhiar man hla thin mang nge o...Pune awmlai chanchin a bu in i chhuah thei hial in ka ring!!!!

    chu guitar a hang a zut pha chin i lo ni reng a..ka ngaisang top che..mi zut ngam loh(a hang in)i han zut mai chu nia..mawi dangdai viau in ka ring!!!

    red light sawi tak ah chuan in sital ang nga awm ve hi ka hlauh thin vang a lawm,motor ka khalh ngam loh..hahahah....motor i kick lai chuan i hmai temperature chu 400 degree a tling hial lo mo?heheh...

    ReplyDelete
  11. hehhe..pu zara chu a..tak taka kei chu e chetchhiat tih vel hi ka nei ve ngai lo re re a..han sawi mai tur pawh ka hre lo.:) Ka'n ngaihtuah fe anga, chuan sawi tur ka hre mahna le.... :)

    Lolz at Awzmans' comment! hmai temperature wala!! hhehe

    ReplyDelete
  12. @Tluanga, ekhai, nang alawm le, Pune awmlai kha chu kan vanglai a ni ber e tiraw..hehe. Chetchiatna lah sawi tur tam. Martina Bike kha chuan history a siam ve chiang ngawt mai. Batman chungchang phei kha chu nuih loh theih loh..:)

    A letling zawnga in nawr kal thu kha Michael sawi ka hre tawh tak a sin.. Bike nei hlawm si lo chu ka hmansak lo thei si lo va. Rim pawh kha a rim tiah tiah thin khawpin ka hria kha bike kha..:)

    @awzzman, hehe, ka alh lo chauh mawle.. thianpa lah khan hnung atangin 'han start thuai thuai teh, zahthlak em mai' ti sek lehnghal a. Beidawn hnuah pawh ek ka la rap pherh leh zel phei kha chu zialo ve tak chu a ni..:)

    @puii, akhai, sawi tur i nei teuh ang, zarbawiha hian a hre ru tlat niin alang ta..:) han inpuang mai teh..:)

    ReplyDelete
  13. Ka nui nasa ltk, vainu mawng a sut ber mai khi hahah in ngeiawm dawn ltk vai nu tan khian mahse nuihzathlak dawn eeee.. chuan I picasa album ami I pic ka ru thren :P

    ReplyDelete
  14. E khai ka hotute, rawn thlawh pui leh hle mai a.. Ni e, vainu mawnga sut tak khi kei pawh keimahah chuan a tla na khawp mai:))

    Han ti zel teh khai, nui tur hi chuan ka inpeih ve pah reng a nia:))

    ReplyDelete
  15. @jerusha, hehe, ka vainu eu zet a, a kal pai luang luang mai hmel chu ka la hmu reng a, ka nui ka nui thin. He Bike tho hi a nia, tluanga sawi kawng laklawha a thi tlat pek a, a hnung zawng chauha nawr kal theih a la ni zui a, a awmzia chu, back zawng chauhin a lir thei tihna a nih chu.. An in nawr vel chu miin an en duh phian ang tiraw..hehehe..

    Pic chu i duh duh dan le,, in tan vek alom..:)

    @faka, ekhai hotupa, kan hotupa avena te angin chetthatna em em sawi tur a awm si lo va, kan han inpuan ta zel a nih hi..:)

    ReplyDelete
  16. Martin-a safari, lolzzzz..luna ai chuan a tha deuh a ni lom ni?? hahhaa. Tumkhat Spicer atangin kan haw tur min thlah ve ngei a tum a..kei ni auto in kan kal a, a ni a safari. Tui hawk lo om vel nen, a thi ta a..a buai nasa mai a ni om e..hahaha

    vainu sut hi ka nui nasa lutuk..vainu tan hian a thinrim thlak don bok sia

    ReplyDelete
  17. chuan "Ka chetchhiatna leh bawk" tih topic ka lo chang ang :D

    ReplyDelete
  18. Almost Unreal, in lo inhria a ni maw..hehehe.. Tluanga comment khi chhiar tel la, i nui nasa ve nvawt ang..hehe. amah hi a thilphal ropui sia, tu pawh hian dil ila, a hman tir thei zel a.. a bike part te hi a phuahchawp deuh vek a ni tawh a, dawrah pawh zawng dawn ila, a inmil hleithei tawh lo va, pum hi a nei a, a chher chawp mai zel mawle.. a phelhsawm vek a, a vuah leh vek a, a han tlan per per hi chu that hmel thei ta a ni. A ni pawh USA lamah Andrew University ah M.Sc computer science a zir an tiin ka hria. A ngaihawm thin khawp mai.

    ReplyDelete
  19. a tha eee...a back zong lo chuan kal poh ni lo, nawr kal theih loh kha..a sial top..hahaha

    ReplyDelete
  20. A staring ber ka lang ve hlei nem mawle..

    ReplyDelete
  21. @alexxfender, 'Ka chetchhiatna leh bawk' tih thupuiah chuan i lang tawh ngei ang. Fatu lam boruak leh Ui talh ruk lam boruak te pawh a ni nuaih tawh mai thei a...:)

    ReplyDelete